Mu Na Tamburiwa Akwamashi
Keyi yAkwamashi
Akwamashi po mushovo umweya wanu awa a nethsiwa ci Mabantu. Aa waniwa mu Thsikiriti thsa Shang’ombo mu Purovinsi thza Zambia thzo ku Mutoko, no ku Muvo o Purovinsi thza Kuandu no Mboera thzo Purovinsi thza Moxico mu Angola . Nene aa ciyoyithsera mu ku yomba ethsi, ku muna emuna, no ku dima, ko ku kurupera Rware rwa Kuandu no manda enthzi aa a na minanga. Shime a wa tangererire mafumu o ku thza mu Ditunga dya Mashi, nji ci Kuandu, no ku ka tungamo. Mafumu o odiyo a wa endithsa ku tunda apa a ka tungerire mu Ditunga dya Mashi/Kuandu shime ku na kuma rerodino. Aa mafumu po Kaputngu, Masinda, Mboma, Dishovi, Sandongo, Sikote, Kakumba and Manderena.
Kaputungu yodiyo fumu wo Shokuru, thsikuña thsenthzi thsaethsiwa ci Mbumba, thsaa ku Hekeviya, ma kilomita o ku twethsa ku kuma mu mutanu, ku wiko o mbongi thza Rivungu.
Fumu Masinda aa waniwa mu Shang’ombo, ndau thzo mu Zambia thzo ditunga dya Mashi/Kuandu, thsikuña thsenthzi thsaethsiwa ci Rukena. Fumu Mboma aa waniwa mu Thsiumi, thsikuña thsenthzi thsaa waniwa mu ndau ethzi thzinethsiwa thza Kangambera;
Fumu Dishovi aa waniwa ku Katenga mu thsikiriti thsa Mavinga; Fumu Sandongo aa waniwa ku Narungondwe mu thsikiriti thsa Thsiumi; Fumu Sikote aa waniwa ku Myondo mu thsikiriti thsa Thsiumi; Fumu Kakumba aa waniwa ku Narikinya mu thsikiriti thsa Rivungu; fumu Manderena aa waniwa ku Katengo mu thsikiriti thsa Rivungu. Fumu Masinda yodiyo yofoci koa mafumu oyu na waniwa mu Zambia, waheno aa waniwa mu Angola.
Eci dyodi thzi di mishovo thzimweya thzothzingi, Akwamashi a di no thsithzo thso nawo. Njimi thzo, athso Thsikwamashi, po thzimweya thzo manjimi o ku cipitura anu awa a nethsiwa Mabantu, aa ungura yo thsinakare ko ku i tongaura.
Membo o thsithzo, ku shika maoma no ku kina ikuru mu thsivaka mu ku monaharithsa thsithzo thso. A di noñurungu o ku ruka mayongo, kumba oma no ku kwama ekwamithsa ko ku cikwathsithsa enu eyi i na waniwa mu mandau o.
Orero u na reta kucirongithsa, eumba, no tekinoloji, unone ongi wo shimbi a kwatererera kwithzo yakwathsañuru wo. Okrisitu waa pirura mwikarero wo o mupepo no muyorero wo nanu amweya. Shaanga ikare ci ko i di yo kwako eyi i wa pirura, Akwamashi shimbi a tanarera mu thsicikwato thso no thsithzo ethsi na tambura ethsi thsi na cimanena.
Akwakutoroka Bibele wAkwamashi
Thsithzo thso Thsikwamashi
Thsinema thsa Yesu
