Ku enda na Yesu mu Thsirui. Eyi eroera yaa tonorora ima yo mupepo mwitendahara shemwa yo mu mwoyo.
Thsipinthzi thso kutanga: Otanarithso thzo kuyoyithsiwa
Diumbo mutumbi dyaa ciwanawana ku rorera thsinema thsa Yesu. Aa nyunga mitwi thzo no ku dira o ku a Mu rorera o kwambiwa pa mbinda.
Thsinema yoihe this pwa, thsinda thsa diumbo aa amba na murongithsi ko ku withsa diywi no ku fota ku dimuka yoingi keyi ya Yesu. A tawa ci Yesu wa fererire evi yenthzi. Unone yoihe a ka kuma ku mwanda aa tateka ku anekera keyi yo thsiyambero thsa Yesu nokuru o humbithso thzevi yenthzi. Karo kadi wa ku tawa shemwa ci na teteriwa enu yoihe.
Murongithsi aa ambera oyo thsinda thsa diumbo ci ngeci na tambura Yesu kwikara muyoyithsi wenthzi kwivi yenthzi no ku ciambera ethso thsitawa, na yoyithsiwa. Shaanga ikare enu yo ngepi na a tende.
Anuwa thsinda thsa diumbo aa fotafota oyo murongithsi no ku mwipura keyi ya Yesu.
Aa tongwerako yumweya kwawo anuwenthzi ci ngeci aa tawa ci Yesu wa citendire thsiyambero mukaci kenthzi no ciambera thsitawa thsenthzi, aa tethsa ku wana mwoyo o diyere. Thsinda thsa diumbo aa tara mu Bibele no ku rongithsa rupathsi rwenthzi keyi yo ku shupwera Yesu ko ku cipaka shemwa ku kwenthzi. Anu aa tateka ku mona ci mwoyo wenthzi u na piruka mu diumbo.
Ipura yo ku ambaura
- Kokuthza ka murongithsi ne, munu ne ngepi edi nga ekara mukwakutawa kwa Yesu?
- Thsine ethsi thsi retithsera thsinda thsa diumbo ci a tamamangere kuyoyithsiwa kwenthzi? Murongithsi ne aa mu tongwera ine?
- Ngepi edi nga o dimuka ci o na yoyithsiwa?
Thsipinthzi thso muthsidi: Thsiwano thsakwakutawa
Diumbo dyaa ciwanawana ku rombera no ku cirongithsa ya Nyambi. Murongithsi aa wa tanarithsa ketongaura ya Zakiya.
Yesu wa cithsire yothsinda ku ka dya ku nthzio thza Zakiya. Zakiya ou ekarire na Yesu uya othsiku, wa cipire huthsa yoihe eyi ethzerire anu mu maumbo.
Thsinda thsa diumbo aa thza ku ka mona munu oyu epithserire, Josefa. Josefa aa hangura ci omo mu thsitawo a di eyo thsinda thsa diumbo na mwanenthzi aye Josefa po thsinu thsothsimango, inene oyo thsinda thsa diumbo po munu o mumango. Ka a ku tawethza karo ci oyo mwanenthzi ekare omo mu thsitawo. Unone oyo thsinda thsa diumbo aa ootera ci Yesu na a mu ambera a huthse oo muve no ku romba ci a mu kwatere. Josefa kadi wa ku i tawa. Unone oyo thsinda thsa diumbo aa amba ci Yesu is po yodiyo ñathsire o thsinda thso maumbo, muendthsi o mwoyo wenthzi. Oyo thsinda aa adikanena Josefa ci a tawethze mwanenthzi ku thzanga ku kwiwano.
Oyo thsinda thsa diumbo aepura yanuwenthzi no ku wa shima mofoci. Murongithsi aa mu tongwera yeanekera ya Nyambi keyi yo maruo. Aa ootera ci oyo thsinda thsa diumbo a nyunga anuwenthzi ko thsihemo thsa Nyambi, unone aa mu romba ci a ku yeka ambuyama amweya karo.
Pa thsiwano ethsi thsa randireko, mbuyama aa amba ci Yesu na a mu fera ñeke mukaci kongungwa wenthzi ko ku tuma ambuyama aidi ku ka mu monithsa thsishimo, ku ka citongawera ya Yesu, no ku ka mu romba ci a thzange kwiwano. Josefa aa mona thsiwano o ku di pora, unone aa kana kwingenamo. Oyo thsinda thsa diumbo aa shimba thsikati thsenthzi thsothsihe ku huthsa yoihe eyi a shimbire kwanu.
Ipura yo ku ambaura
- Ene o na henyena ku thsiwano nakwakutawa amweya nji, nji waa ereka ku enda na Yesu ofoci?
- Ngepi edi no mono oyu thsinda thsa diumbo edi na a kuru mumbusha wenthzi na Nyambi nanu amweya kekwama mu thsikwata?
- Thsine ethsi thsi ku retithsera okuru kwikara mu thsikwata?
Thsipinthzi thso muthsihatu: Mupepo Oukenu
Akwerumeana aidi aa rwa, murongithsi ayepo o withsiwa. Aa shimbapo yofoci ku kwo ci a ka mu kenithse, unone oyo mukwerumeana ayepo cira. Mama wenthzi aa mu kuturura pa ku hukera ku rwa, no ku mu kenithsa. Unone kadi wa ku mona ci aa piruka.
Oyo murongithsi aa wana oyo mukwerumeana ku nthzio thzenthzi. Oyo mukwerumeana aa mu ambera ci aa erekanga ci a rwa, unone aa mu shendemekeranga. Aa mu rwithsanga pakuninga ci na a tawa kwa Yesu. Murongithsi aa mu vurukithsa ci Krisitu wa rongithsire ku shima akwethzimbo yoe.
Murongithsi aa mu tongwera yo mishovo thzidi thzo Makrisitu. Mushovo o kutanga aa erekanga ku endithsa mwoyo wenthzi, shaanga ikare ngepi eyi a na mu ambera Nyambi ci a i tende. Mushovo umweya aa piwanga okoro ku Mupepo Oukenu. Aa pa Yesu ku yoya mwoyo o Thsikirisitu mu mwenthzi, karo kenthzi. Mushovo o muthsidi aa yoya ko thsitawo no ku yuvera. Aa ceca.
Ipura yo ku ambaura
- Oyo mukweruana ne ine eyi a twarerera ku tenda, karo ine eyi a i tendera?
- Ine eyi a mu tongwera murongithsi keyi yokoro o Mupepo?
- O mukwakushupwera Yesu o mushovo mwine? Thsine ethsi nga o tenda ci nga o tambura Mupepo?
Thsipinthzi thso une: Ku enda mu mupepo
Awo akwerumeana aa rwithsa karo oyo mukwerumeana. Unone na wa retera thsikunda no ku romba ci a mu kwatere pa ku rwa. Amweya ku kwo ka fotire ku tenda thsiyaro nenthzi. Unone oyo mukwerumeana aa ootera ci Yesu na mu retithsera ci a rombe ku kwateriwa.
Awo akwerumeana aa thza kwa murongithsi ku ka mwipura ci ine na a tende koyo mukwerumeana ci a piruke. Murongithsi noyo mukwerumeana aa wa tongwera keyi ya Yesu. Murongithsi aa amba ci ekwama ya Nyambi po ku tu yarithsa Mupepo Oukenu, atwe ekwama yetu po ku cihuthsa kushi thzo Mupepo Oukenu. Awo akwerumeana aa fota ci myoyo thzo thzi piruke no ku tambura Yesu.
Ipura yo ku ambaura
1. Oyo mukwerumeana ne aa tenda ngepi eyi ya tendaharire naenthzenthzi?
2. Ngepi a tendire? Thsine a na mono ethsi this na piruka koyo mukwerumeana?
3. Okoro o Mupepo Oukenu ne ngepi u na pirura mwoyo woe?
Thsipinthzi thso muthsitanu: Kukurera mwa Krisitu
Ku enda na Yesu po kadi thsinu thsothsioto thsikati thsothsihe. Kenge kwa kwikara mamvo o mupepo. Ambuyama o muya mu diumbo aa ambaura yo kuyapa kwo no mamvo o. Akwakutawa aa tanarithsanga munu o kukana ku tawa kwa Yesu ci a kurupere Yesu.
Josefa na murongithsi aa ambaura yo mikarero ethzi thza kwamiwire o ku shime kwikara mukwkutawa. Myoyo thzetu yoihe thzi piwa kwa Yesu, twaa roera ku twarerera ku kura no ku pa enu yoihe ku kwenthzi. Eyo yaa twethsa ku tendiwa ko ku tara Bibele, ku thzi teerera o ku thzi tariwa, no ku rombera ofoci no pofoci no thsiwano. Muringithsi aa tanarithsa Josefa ku romba kwa Nyambi enu yoiwa ku kwenthzi no ku kwama enu eyi i retera Nyambi kutethzima.
Ipura yo ku ambaura
- Mamvo mwine aa a pitamo awa anu a di omu mu thsitongaura?
- Dishwarera do Mukrisitu ne dyaa ciroithseranga ngepi mamvo o mupepo?
- Waa anekera ngepi aa mamvo edi nga a tumba twikare noorurami nene no kuothza nene mu ku enda na Yesu?
